Ang programa ay inisyatibo ng Palasyo ng Malacañang sa pangunguna ni Pangulong Ferdinand E. Marcos Jr. at ng Unang Ginang na si Gng. Liza Araneta-Marcos para sa mga batang nasa pangangalaga ng pamahalaan.

Dinaluhan ang selebrasyon ng mga bata mula sa iba’t ibang Center Residential Care Facilities (CRCFs) ng DSWD sa buong bansa, gayundin ng mga piling paaralan mula sa Department of Education (DepEd).

Layunin ng “Balik Sigla, Bigay Saya” na ipadama sa mga kabataan ang diwa ng Pasko sa pamamagitan ng pagbabahagi ng saya, pag-asa, at pagmamahal, lalo na sa mga batang higit na nangangailangan ng kalinga at suporta mula sa pamahalaan.

Tampok sa pagdiriwang ang iba’t ibang parlor games, mga mensahe ng pasasalamat, at sama-samang salu-salo.

Lubos ang pasasalamat ng mga kawani at residente ng MIMAROPA Youth Center sa Palasyo ng Malacañang at sa DSWD sa ipinamalas na malasakit at pagkalinga na nagbigay-sigla sa mga kabataan ngayong panahon ng Pasko.