Sa ika 15-17 ng Agosto, magtatagpo ang ilang mga community volunteers ng Mindoro, Marinduque at Concepcion, Romblon para sa kauna-unahang pagtitipon ng mga Community Volunteers ng KALAHI-CIDSS sa rehiyong MiMaRoPa.

Tampok sa dalawang araw na gawain na may tema na “Kapit-Bisig Para Sa Bayan: Hamon sa mga Bagong Bayani” ay ang bahaginan ng mga volunteers ng kanilang mga kwentong bayanihan sa KALAHI-CIDSS, mapalalim ang kanilang kaalaman at adbokasiya sa CDD sa pamamagitan ng bahaginan, pakikilahok sa patimpalak, at pakikinig sa mga BAYANI KA! Champions at mga panauhin.